Abraham Álvarez Diz , novo adestrador do Ribadosar

 Abraham Álvarez Diz será o novo adestrador da categoría de Benxamíns do Ribadosar na temporada 2023-2024.

Formado no Ribadosar desde os 7 anos, Abraham contribuirá como até agora para os éxitos da nosa equipa xuvenil, e tamén formará desde inicios de setembro os xogadores e xogadoras mais novas do clube, iniciándoas ao balonmán e construindo este espazo colaborativo e de seguranza que identifica o Ribadosar.

O xogador compostelano foi convocado tamén para participar no adestramento que a selección galega xuvenil de balonmán realizará no Pavillón Manuel Coto Ferreiro da Estrada no próximo domingo 20 de agosto. Máis un paso na prometedora traxectoria deportiva de Abraham, e tamén un recoñecemento á importancia que atribuímos no clube ao desenvolvemento persoal e á realización de todas as potencialidades dos nosos xogadores e xogadoras.

Construímos un clube con bases sólidas e firmes.

Somos o balonmán de Compostela.

Oferta de emprego (Adestrador)

Club Balonmán Ribadosar ((www.ribadosar.es) procura adestrador/a para categorías de base. 

Ofrece: Incorporación inmediata con contrato fixo descontinuo, a tempo parcial, por unha duración estimada de 9 meses por ano e 1.276 horas anuais, distribuídas en 7,5 horas semanais. 

Pagamento por realización de servizos como adestrador/a (monitor/a multidisciplinar) segundo fixado para o grupo profisional de "GRUPO 3, NIVEL 2" no Convenio Colectivo de Instalacións Deportivas e Ximnasios de Galicia (DOG 134, de 7 de xullo de 2020). 

Valora: Formación para as funcións requeridas Titulación específica. Título de adestrador/a de balonmán (nivel 2 ou nivel 1) Disponibilidade para a formación Experiencia profisional ou asociativa no ámbito socio-comunitario ou deportivo (particularmente do balomnán) Compromiso co clube Enviar Curriculum para ribadosar@gmail.com até as 12 horas de 25 de agosto de 2023.