Un deporte, unha pasión...

Primeiro Club de Balonmán en Santiago de Compostela

Conctata con nos no ribadosar@gmail.com

martes, 24 de xuño de 2014

Cronica II Handball - Corpus 2014 - Ourense

Esta pasada fin de semana celebrouse en Ourense o campionato II Handball - Corpus 2014, co que o noso equipo de infantís pecha a tempada 2013-2014, demostrando unha enorme evolución na calidade do xogo.

O día comezou cunha serie de baixas inesperadas, de Ambiorix e Xaquín, lesionado na súa man dereita, pero que non quixo perder a oportunidade de animar aos seus compañeiros. Dende aquí, desexámoslle unha pronta recuperación!

O equipo estaba tan xusto de xogadores que estas dúas baixas facía que non puídesemos xogar. Había que buscar opcións para solucionalo,  polo que despois de pedir permiso á organización, incorporamos a Leilía, que debutou no equipo infantil masculino facendo un gran traballo.

O equipo formado por Andrea, Breixo, Alex, Felipe, Ricardo, Teo e Leilía loitou dende o primeiro minuto ata o último, crecéndose co paso dos partidos. Empezamos o primeiro partido contra Tui, un pouco tímidos e con moito respeto polo noso rival, pero con moitas ganas de loitar. Seguimos contra o Pabellón de Ourense e rematamos contra o Lalín, no que demos todo o bo que sabemos facer, cun público volcado co noso xogo, que se levantou en moitas ocasións para aplaudirnos.

Ademáis de Xaquín, animaron e aplaudiron aos seus compañeiros Enrique, Uxía, Rodrigo e Valeria dende o banquillo, e todos os pais e nais que se acercaron a animar aos rapaces e que aplaudiron dende a bancada.

O resultado do campionato deixounos en cuarto lugar, moi contentos do xogo que fixeron os nosos rapaces, que nos mostraron un bo balonmán.

Noraboa a todos eles, e en especial a Álex, que levou o trofeo ao mellor xogador infantil masculino do campionato.

Así se fai!!

Click aquí para ver todas as fotos.



Entrega de premios



luns, 16 de xuño de 2014

Xornada de portas abertas 20 de xuño

Este venres 20 de xuño de 16:30 a 18:00 e de 16:00 a 18:00 nos pavillóns dos colexios Lopez Ferreiro e Quiroga Palacios vamos acelebrar as xornadas de portas abertas que se veñen celebrando todos os anos a finais de curso, para que os nenos poidan probar si lles gusta o balonmán. Vai ser unha xornada totalmente gratuita o único que teñen que facer e traer routa e calzado deportivo. Ides pasalo moi ben, animadevos!!!!!!

Calquera dubida ribadosar@gmail.com



domingo, 15 de xuño de 2014

II Handball-Corpus´14, 21 de xuño en Ourense

Este ano o equipo infantil do Ribadosar viaxa a Ourense o sábado día 21 de xuño para participar no  II Handball-Corpus´14 que organiza o B.M. Pabellón Ourense.

Horarios da xornada.


Saimos as 10:00 do Quiroga Palacios

xoves, 5 de xuño de 2014

Fase Final Provincial 2013/2014 Pontedeume

O sábado pasado xogouse a fase final de alevín e benxamín en Pontedume. O equipo benxamín quedou 4º clasificado da Provincia da Coruña. De tres partidos que xogaron gañaron un, empataron e perderon outro. Moitas grazas as familias polo esforzo que fixeron. Parabens por ese resultado!!!!.


Pincha na foto para ver mais..

mércores, 4 de xuño de 2014

Xornada Amigable sábado 7 de xuño

O próximo sábado 7 de xuño celebramos unha xornada amigable no pavillón Quiroga Palacios das categorías alevín e benxamín.