O BM Ribadosar alevín fica, un ano máis, terceiro da Galiza

Na Final 4 alevín ouro celebrada en Redondela en 31 de maio o BM Ribadosar conquista, por segundo ano consecutivo, a terceira posición de todos os clubes da Galiza.

A equipa compostelá xogou a pasaxe para a final co Club Balonmano Viveiro no pavillón redondelán da Bombonera às 10:45h. Apesar de comezar gañando o primeiro cuarto, os outros tres caíron por unha diferenza mínima do lado do clube da Mariña, que despois se proclamaría solvente campión contra o Arteixo Balonmán. No encontro polo terceiro e cuarto posto xogado no pavillón da Marisma, o BM Ribadosar venceu nun emocionante partido por 10-6 ao Club Balonmán Pontedeume, tracendo para Santiago a medalla de bronce do campionato galego por segundo ano consecutivo.

Fecho de ouro a unha magnífica temporada dos alevíns adestrados por Laura Garabal, que permaneceron invictos até este primeiro encontro da Final 4.

Por outro lado, as dúas equipas infantil do BM Ribadosar, masculina e feminina, concluíron tamén a temporada como primeiras na clasificación da Copa Federación.

A equipa infantil masculina do BM Ribadosar, adestrada por Jorge Viaño, concluiu empatada a pontos coa SD Eumesa os encontros do Grupo 4 Norte, impóndose na primeira posición grazas á diferenza de golos.

Xa o BM Ribadosar-Espina & Delfín, adestrada por Laura Garabal, demostrou muita solvencia e concluiu invicta os encontros do Grupo 2 Norte da Copa Federación organizada pola Federación Galega de Balonmán.